Lekti, yon mwayen kle pou mete Ayiti sou ray devlòpman
Joseph Marcel GEORGES
Manm Laboratwa LangSE- FLA/UEH
https://doi.org/10.57222/QMCK6434
Rezime :
« Tout aktivite pou prepare timoun piti pou yo aprann li chita sou sa timoun nan abitye wè, tande, ak konprann fasilman, sa ki kapab enterese l » (Déjean, 2006 : 11). Si li konsa nan pratik pedagojik nan peyi devlope yo, sa diferan an Ayiti. Moun li nenpòt ki sa, nenpòt ki jan an Ayiti. Anndan lekòl yo pa egzanp, majorite aprenan yo pa rive konprann anyen nan sa mèt la osnon madamwazèl la lonje ba yo pou yo li a, alewè pou yo ta pwodui sou sa yo swadizan li a. Alòske, plis sitwayen yo nan peyi a ranmase konesans ki adapte, se plis yo ap fòme tèt yo ; se plis y ap pran konsyans yo dwe pwoteje anviwónman kote y ap viv, se plis gen posiblite pou peyi sa a pran wout pwogrè. Men, aktivite lekti a pa dwe yon aktivite izole. Atik sa a ap defann enpòtans yon aktivite lekti ki konkrè, ki chita sou reyalite lavi, ki vle di li gen lang manman an ladan li. Lektè a dwe ka viv itilite lekti a.
Mo kle : Lekti, Lang manman an, Sans sitwayènte, Pwodiktivite, Devlopman.
« Tout aktivite pou prepare timoun piti pou yo aprann li chita sou sa timoun nan abitye wè, tande, ak konprann fasilman, sa ki kapab enterese l » (Déjean, 2006 : 11). Si li konsa nan pratik pedagojik nan peyi devlope yo, sa diferan an Ayiti. Moun li nenpòt ki sa, nenpòt ki jan an Ayiti. Anndan lekòl yo pa egzanp, majorite aprenan yo pa rive konprann anyen nan sa mèt la osnon madamwazèl la lonje ba yo pou yo li a, alewè pou yo ta pwodui sou sa yo swadizan li a. Alòske, plis sitwayen yo nan peyi a ranmase konesans ki adapte, se plis yo ap fòme tèt yo ; se plis y ap pran konsyans yo dwe pwoteje anviwónman kote y ap viv, se plis gen posiblite pou peyi sa a pran wout pwogrè. Men, aktivite lekti a pa dwe yon aktivite izole. Atik sa a ap defann enpòtans yon aktivite lekti ki konkrè, ki chita sou reyalite lavi, ki vle di li gen lang manman an ladan li. Lektè a dwe ka viv itilite lekti a.
Mo kle : Lekti, Lang manman an, Sans sitwayènte, Pwodiktivite, Devlopman.